కేంద్ర రాష్ట్ర ప్రభుత్వాలు ప్రజా వ్యతిరేక విధానాలు... - సిపిఎం జిల్లా కార్యదర్శి అన్నవరపు కనకయ్య
సర్కార్ టీవీ న్యూస్ / భద్రాద్రి కొత్తగూడెం జిల్లా : కొత్తగూడెం : ఏజెన్సీ ప్రాంతాల్లో కులంతో నిమిత్తం లేకుండా స్థలం ఉన్న ప్రతి ఒక్కరికీ గృహలక్ష్మి పథకం అమలు చేయాలి... కేంద్ర రాష్ట్ర ప్రభుత్వాల ప్రజా వ్యతిరేక విధానాలను నిరసిస్తూ సెప్టెంబర్ 1నుండి 7 వరకు జరిగే ఆందోళనలను జయప్రదం చేయాలని సీపీఎం జిల్లా కార్యదర్శి అన్నవరపు కనకయ్య పిలుపునిచ్చారు. ఆన్లైన్ లో జరిగిన జిల్లా ముఖ్య కార్యకర్తల సమావేశంలో ఆయన మాట్లాడుతూ దేశంలో రోజు రోజుకు నిత్యావసర వస్తువుల ధరలు పెరిగి సామాన్యులపై విపరీతమైన భారాలు మోపబడ్డాయని ఆయన ఆవేదన వ్యక్తం చేశారు. 2014 నుండి ఇప్పటివరకు నిత్యావసరాల ధరలు 200 శాతం పెరిగాయని, ఈ నెలలోనే కూరగాయల ధరలు 37 శాతం పెరిగాయని,మోడీ ప్రభుత్వం విధానాలు పెట్టుబడి దారులకు రాయితీలు,సామాన్యులకు భారాలు అనే పద్ధతిలో ఉన్నాయని ఆయన విమర్శించారు.ప్రజల బాధలు తీర్చే ఆలోచనలు చేయకుండా మోడీ ప్రభుత్వం దేశంలో మత విద్వేషాలు రెచ్చగొట్టి ప్రజా సమస్యలు పక్క దారి పట్టిస్తున్నారని, విదేశాలకు వెళ్ళడానికి తీరిక దొరికినా ప్రధానికి స్వదేశంలో ఒక రాష్ట్రం రావణ కాష్టం గా మారితే మణిపూర్ కి వెళ్ళే తీరిక లేదని ఆయన ఎద్దేవా చేశారు. కెసిఆర్ ప్రభుత్వం ప్రవేశ పెట్టిన గృహ లక్ష్మి ,దళిత బందు పథకాలు తెరాస కార్యకర్తల పథకాలుగా మారాయని,ఎమ్మెల్యే ల జోక్యంతో వారి కార్యకర్తలకు మాత్రమే ఈ పథకాలు వర్తింప చేస్తున్నారని ఆయన ఆరోపించారు.దళిత బంధు అమలులో రాజకీయ జోక్యం లేకుండా అర్హులైన వారికి అమలు చేయకపోతే లబ్ధిదారుల తరుపున పోరాటాలు చేస్తామని హెచ్చరించారు. ఏజెన్సీ ప్రాంతంలో 1970 కి ముందు ఉన్నవారికే గృహలక్ష్మి పథకం వర్తింప చేయడం అంటే ఇతర కులాల వారికి పథకం వర్తింప చేయకుండా ఎగనామం పెట్టే ప్రయత్నం చేస్తున్నారని, కులం, 1970 నిబంధన తో సంబందం లేకుండా స్థలం ఉన్న ప్రతి ఒక్కరికీ గృహలక్ష్మి పథకం అమలు చేయాలని డిమాండ్ చేశారు. పైన పేర్కొన్న సమస్యలపై జిల్లాలో గ్రామ స్థాయిలో పోరాటాలు నిర్వహించాలని ఆయన పిలుపునిచ్చారు. సెప్టెంబర్ 10 నుండి 17 వరకు జరిగే వీర తెలంగాణ సాయుధ పోరాట వారోత్సవాలను జయప్రదం చేయాలని పిలుపుిచ్చారు. ఈ సమావేశంలో జిల్లా కార్యదర్శి వర్గ సభ్యులు మచ్చా వెంకటేశ్వర్లు, ఏజే రమేష్, కొక్కెరపాటి పుల్లయ్య, యం.జ్యోతి,ఎంబి నర్సారెడ్డి, కారం పుల్లయ్య, బ్రహ్మచారి, లిక్కి బాలరాజు,జిల్లా కమిటీ సభ్యులు అన్నవరపు సత్యనారాయణ,కే ధర్మ,కొండపల్లి శ్రీధర్, నభి,అర్జున్, వంశీ,రమేష్ తదతరులు పాల్గొన్నారు.
-----------------------
Admin
మరిన్ని వార్తలు
.jpg)
.jpg)
1.jpeg)
.jpeg)
.jpeg)
Developed By :
